Үзенең үләсе урынын видеога төшергән

Алтайга сәяхәткә барган турист ханым үзенең берничә минуттан һәлак буласы урынын - көчле агымлы тау елгасын видеога төшергән. Җитмәсә, "Көчле агым гәүдәмне бөтереп алып китәр, ике көн буена мине тапмаслар", - дип шаярып сөйләнгән. Ә бактисәң, ул үз үлеменең ничек буласын фаразлап куйган!

43 яшьлек ханым Алтайның тау елгасы Катунь буена ял итәргә Новосибирск шәһәреннән килгән. Ул бик яхшы йөзгән, шуңа да бу котырынып аккан елгага керергә батырчылык иткән.
Видеода ул матур итеп кояш чыгуы, табигатьнең гүзәллеге турында сөйли-сөйли, елга киңлекләрен төшерә. Бу язманы ул үзенең Instagram битенә урнаштыра. Арытаба ханым яр буеннан гына йөзеп карыйм дип суга кереп китә, үзенең йөзүен танышларының 16 яшьлек кызына төшереп торырга куша. Тик елгага керүе була, дулкыннар аны йомычка шикелле эләктереп ала, бахырның гәүдәсен зур ташларга бәрә-бәрә, коточкыч тизлектә агызып алып китә.
Ярда калган кыз ярдәм сорап туристлар базасына йөгерә, тиз арада коткаручылар килеп җитә. Тик күпме генә эзләсәләр дә бахырның гәүдәсен таба алмыйлар.

kiziltan.rbsmi.ru

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]