Самолетта очу бәяләре арзанайган

Белгечләр билгеләвенчә, иң бюджетлы очыш вариантлары Мәскәүдән, Санкт-Петербургтан, Сочи, Краснодардан һәм Екатеринбургтан бирелгән.

Шул ук вакытта Мәскәүдән Калуга һәм Воронежга очу иң очсыз хакка төшәчәк. Ике шушы шәһәргә дә очу бәясе 1000 сум тора.

Санкт-Петербургтан Мәскәүгә 1,2 мең сумга очарга була. Ярославльгә очу бәясе 1,5 мең сум тәшкил итә. Октябрьдә 2 мең сумга Элиста, Махачкала, Чебоксар, Уфа, Ставрополь, Нальчик, Киров, Калининград, Казан һәм Курганга очып булачак.

Сочидан Мәскәүгә иң арзанлы билет бәясе – 1,6 мең сум. 1,8 мең сумга Дондагы Ростов шәһәрен, ә 1,9 мең сумга Ставрополь белән Краснодарга очарга мөмкин.

Краснодардан Әстерхан һәм Минеральные Воды шәһәрләренә очып бару иң отышлы икән – билет бәясе нибары 900 сум тәшкил итә. Екатеринбургтан очсыз гына хакка Саратов, Түбәнге Новгород һәм Волгоградка очарга мөмкин – авиабилет хакы –1,3 мең сум.

Чыннан да моңа кадәр авиаочыш бәяләренең шулкадәр арзан булуы истә юк. Коронавирус үз эшен эшләде. Кем әйтмешли, бер кыенның бер рәхәте...