Октябрьдә бакча эшләре

Октябрьдә бакча эшләре Октябрь – бакча эшләренә йомгак ясап, киләчәккә планнар кору ае. Шуның белән бергә, октябрьдән алып без кышка әзерләнә башлыйбыз. Мәшәкатьләргә батып, нинди төп эшләрне онытып җибәрмәскә? Һәр тәҗрибәле бакчачы белә: киләсе мизгелгә әзерлек нәкъ әлеге мизгелдә башлана. Әйдәгез, иң мөһим эшләрне барлап үтик.

Алма бакчасында

Алма һәм грушаларның иң соңгы сортлары җыеп алына. Озак саклансыннар өчен аларны сак кына өзеп, саклауга куегыз.

Салкыннар башланганчы, агач-куакларның корыган, сынган һәм чирләрдән-корткычлардан зыян күргән ботакларын кисегез. Ә менә сирәкләү өчен күләмле кисүләрне язга калдырыгыз.

Картайган һәм мул уңыш белән куандырмаган агач-куаклардан арыныгыз. Аларны җәлләп, моннан ары да бакчада асраудан фәтүә юк, вакытында хушлашырга кирәк.

Коелган яфраклар черемә ясау, туфракка катнаштыру өчен , мүлчәләү өчен кирәгәчәк. Ләкин зарарланган яфракларны яндырыгыз, алардан бакчага чирләр һәм корткычлар гына таралачак.

Туфракны казыгыз. Кемдер көзен җирне казырга кирәкми ди, кемнәрдер моңа каршы төшә. Ә менә тәҗрибәле бакчачылар болай ди: әгәр дә бакчадагы туфрак каты һәм артык тыгыз икән, казу кирәк, йомшак туфракны һәркем үзе хәл итә. Аннан, казылган туфракка ашламалар кертү һәм корткычлар белән көрәшү уңайлырак.

omet-rb.rbsmi.ru

фото:juravel63.ru

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта