"Ялган аракы сатучыларны юк итәргә кирәк!"

Бүгенге киңәшмәдә Радий Хәбиров законсыз спиртлы продукция сатучылар турында хәбәр итүчеләргә премияләр бирергә тәкъдим итте.Чарада Башкортстан территориясендә алкоголь продукциясенең легаль булмаган әйләнешенә каршы көрәш чаралары турында фикер алыштылар.

«Бу теманың ни дәрәҗәдә актуаль булуын аңларга кирәк. Хәтерегездәме, ике ел элек, без бу эш белән шөгыльләнә башлаганда, облавалар оештыра идек, Әбҗәлил районына барып, анда бу "янгынны" сүндердек. Хәзер бу чирнең кайда баш күтәрүен ачыкларга кирәк. Кирәк икән, ялган аракы сатылган районга барып, аны тулы программа буенча чистартырга кирәк, бу әлеге агуны сата торган кешеләр бөтенләй булмасын өчен зарур», — диде Радий Хәбиров.
Төбәк Башлыгы билгеләп үткәнчә, «бутлегерларга каршы көрәштә бернинди әхлакый, тоткарлый торган факторлар булырга тиеш түгел», суррогат сату урыннары турында хәбәр итүчеләрне хупларга кирәк.
"Бу эшне "Башспирт" оештырсын. Кем кайда астыртын сатуларын күрсәтә, шул "Башспирт"тан премия ала. Мин беләм, мондый практика булган иде. Димәк, хәзер аны яңадан тергезергә кирәк. Бу зәхмәткә каршы көрәшкәндә ниндидер әхлакый принципларга таянырга кирәкми, дип кабатлап әйтәм. Аны бары тик юк итәргә генә кирәк", - дип нәтиҗә ясады Радий Хәбиров.
Фото: subscribe.ru

https://kiziltan.rbsmi.ru/articles/obchestvo/Yalgan-araki-satuchilarni-yuk-it-rg-kir-k-515338/

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]