Республикада кар кайчан ятачак?

Бу атнада Башкортстанда көз өчен гадәти булмаган җылы һава торачак. Синоптиклар фаразлары буенча, уртача һава температурасы нормадан 4-6 градуска югарырак булачак. "Көндез һава температурасы 5, 10° чикләрендә көтелә, ә 4 ноябрьдә республиканың көньягы буенча 14° градуска кадәр күтәреләчәк", - дип хәбәр иттеләр "Башгидрометүзәк"тә.

Ә агымдагы атна ахырында төбәктә һава торышы үзгәрәчәк. Республикага Төньяк Атлантикадан түбән басым киләчәк. 6 ноябрьдә яңгырлар башланачак. Беренче чиратта явым-төшем Башкортстанның көнбатыш районнарында көтелә. 7 һәм 8 ноябрьдә яңгырлар ешрак явачак. Нәтиҗәдә, явым-төшем кар рәвешендә булачак, ул тимерчыбыкларга һәм агачларга ябышачак. «Җил секундына 15-20 метрга кадәр көчәячәк. Һава температурасы көндез 3, -2° градуска кадәр түбәнәя», - ди синоптиклар.

10 ноябрьгә Башкортстанда кар катламы урнашачак.

Фото:obltv.ru

Чыганак https://kiziltan.rbsmi.ru/articles/republic/Respublikada-kar-kaychan-yatachak-528246/