2021 ел ниләр вәгъдә итә?

Республика Дәүләт җыелышы-Корылтай Рәисе урынбасары Рөстәм Ишмөхәммәтов үзенең фейсбуктагы битендә депутатлар фикер алыша торган проблемалар һәм башлангычлар турында сөйләде. «Бюджет, салым, инвестиция сәясәте һәм милек мөнәсәбәтләре комитеты утырышында төп тема, әлбәттә, киләсе елга республика бюджеты турында закон проекты иде. Сораулар, фикерләр, бәхәсләр бик күп булды.
Беренче тапкыр теркәлеп салымның гадиләштерелгән яки патент системасын кулланучы шәхси эшкуарлар өчен "салым каникулларын" озайтуны күздә тоткан закон проектын карадык. Гамәлдәге кануннар буенча салым каникуллары 2021 елның 1 гыйнварында бетә, әмма без аларны 2024 елга кадәр озайтырга тәкъдим итәбез.
Минемчә, болар барысы да дөрес адымнар. Хәзер гражданнар алдында социаль йөкләмәләрне үтәү мөһим, ә калган акчаларны, эш урыннарын саклап калу, бизнеска ярдәм итү өчен, беренче чиратта, икътисадка ярдәм итүгә юнәлтү мөһим.

Аның каравы, әгәр эшсезлек артмаса, предприятиеләр сакланса, пандемия белән бәйле кризистан соң икътисад тиз арада аякка басачак, һәм бу бюджетка яңа керемнәр китерәчәк, аларны төбәкнең һәрьяклап үсешенә юнәлтергә мөмкин булачак», - дип язды Рөстәм Ишмөхәммәтов.
Фото:pixabay.com.

Чыганак https://kiziltan.rbsmi.ru/articles/ekonomika/2021-el-nil-r-v-gd-it-545180/