50 ел бергә тормыш сукмагыннан

Әтиебез үз хезмәт юлын «Дэмен» АПКсында шофер булып башлый. Бөре педагогия институтына укырга кергәч, мәктәпкә күчә. Балаларга белем һәм тәр­бия бирү эшенә бар көчен һәм энергиясен сала ул, шуңа да аны укытучылар да, укучылар да хөрмәт итте. Гомум алганда 45 ел хезмәт юлының 39 елын яраткан эшенә багышлады әтие­без. Гаилә архивында сак­ланган бихисап рәхмәт хатлары, Почет грамоталары, «РФнең халык мә­гарифе отличнигы» исем­е аның намуслы тырыш хез­мә­те турында сөйләп тора.

Әниебез 26 ел авыл хуҗа­лы­гында эшләде. Егәрле, уңган, хәстәрлекле булганы өчен аны да авыл халкы ихтирам итте. Дәү әниебезне – әтиебезнең әни­сен – ул 15 ел дәвамында тәр­биялә­де. Аңа гомер буе ка­дер-хөрмәт күр­сәтте алар, тәр­бияләп, соңгы юлга озаттылар.

Әти-әниебезнең безнең өчен салган көчен һәм вакытын биз­мән­нәрдә үлчәү мөмкин тү­гел­дер. Балаларым, гаиләм, дип җан атып яшәде якыннарыбыз. Әле дә без – алты баласы, 13 оныгы һәм ике оныкчыгы – туган йортыбызда иң кадерле кунак. Безгә алар белем алырга, тормышта урнашырга ярдәм итте. Бүген аларның кү­ңел җылысын тоеп, акыллы ки­ңәшләренә таянып яшибез. Һәр­кайсыбызның яраткан эше, гаиләсе бар. Иң өлкәнебез Индира әтиебез юлын сайлап, Яңа Тәтешле мәктәбендә балаларга математика фәненнән белем бирә. Иосиф – водитель, Зефирина – Чернушка балалар бакчаларының бер­сен­дә тәрбияче, Зифа сатучы һө­нәр­ләрен сайлады. Динә һәм Аннаның үз корган оялары бар. Мең рәхмәт сезгә, кадер­леләребез!

Әти-әни! Алтын юбилеегыз белән чын күңелдән тәбрик итә­без сезне. Йортыбызның утын сүн­дер­мичә, һәрвакыттагыча бер-бе­регезгә кирәк һәм терәк булып, бә­рәкәтле мул тормышта гомер итүегезне телибез. Ә без, биш кызыгыз һәм бер улыгыз, сезгә һәрчак ярдәмгә килер­гә әзер­без. Сез корган тату матур гаиләбез, туганлык җеп­лә­ре­безне саклап гомер итүегез без­нең өчен иң зур байлыкка тиң.

Бәхетле гаилә нинди ул? Ул, әлбәттә, бер-береңне хөр­мәт итү, ярату, гаилә тра­ди­ция­лә­рен саклап яшәү. Сез чын мәгъ­нәсендә бәхетле пар, чөнки шушы сыйфатларга ия булдыгыз, безгә лаеклы үрнәк күр­сәт­тегез. Арытабан да каршылык­ларны бергәләп җиңә-җи­ңә, яшь­лектәге хисләрегезне сүн­дермичә, сау-сәламәт булып гомер итәргә насыйп булса икән!

Балаларыгыз, оныкларыгыз, оныкчыкларыгыз.