Бәхетләре – балаларында

Кечкенә күкрәк баласын кү­тәр­гән яшь ханым белән күре­шә­без. Гаилә башлыгы – кресть­ян-фер­мерлык хуҗалыгында механизатор, әлеге көндә кызу урак өсте булгач, төшке ашка да кайтып тормаган. Хуҗабикә исә әле­ге көндә кечкенә кызчыгы бе­лән декрет ялында. Һөнәре буенча тегүчегә укыса да, үз белгечлеге буенча эш булмаганлыктан, берничә ел сатучы булып эшләгән.

– Балачактан ук балаларым күп булсын иде, дип теләдем. Аллаһка шөкер, алар белән тормышыбыз мәгънәле. Өлкән кызыбыз быел 5нче сыйныфка бара, икенчесе балалар бакчасына йөри. Төпчегебез Ев­ге­ния­гә әле сигез генә ай, – ди ул.

Кызлар матур тәрбия алып үсәләр. Виолеттаның бисер яр­дәмендә үрелгән чәчәкләре тәрәз төпләрен бизәсә, Виктория биергә, шигырьләр сөй­ләр­гә ярата икән. Оныклары өчен бигрәк тә дәү әниләре сөенеп бетә алмый. Ире вафат булганнан соң, Катя апа улы һәм килене белән бер йортта яшиләр. Яшь гаиләгә төп ярдәмче дә, акыллы киңәшче дә ул. Үзара тату булып, һәр­нәр­сәне киңәшләшеп башкаргач, тормышлары да ырамлы Хаҗиповларның.

Гөлназ Вәлиева.

Фото гаилә архивыннан.