Тәтешленең уңган кызлары

Компьютер артында эшләп утырган бу мөлаем кызның исеме Альбина Аллаярова. Башкорт дәүләт университетының юриспруденция факультетын тәмамлап туган якка кайтып эшли башлавына быел дүрт ел тулып узган.

Күпфункцияле үзәктә эшнең тукталып торганы юк. Бөтен өл­кәләр хезмәтен бергә тоташтырган үзәк һәрвакыт кеше белән тулы. Хезмәттәшләре белән бергә Альбина да иртәнге тугыздан алып җидегә чаклы эш артында.

Документ эше төгәллекне ярата. Ә анда нинди генә сораулар белән мөрәҗәгать итмиләр. Альбина Фидәил кызы көненә 30лап кеше кабул итә. Барысына да ачык йөз, ягымлы караш белән үз эшенә җаваплы тотына ул. Узып барган ел аңа тик уңышлар гына алып килгән. Алдагы ел да истәлекләргә бай булыр дип өметләнә Югары Тәтешле сылуы.

Фәрзәнә Исмәгыйлева.