Эшенә ашкынып бара

Балалар бакчасында барысы 42 бала тәрбияләнә. Әлеге көн­дә Зинфира ханым төркемендә яшь ярымнан өч яшькәчә 20 бала исәпләнә. Иртә белән шау-гөр килеп нәниләр бакчага килә. Аларның һәрберсен якты йөз, назлы тел белән каршы алучы апалары тәмле ризыклар белән сыйлый, йокларга яткыра. Аның карамагында булган бүл­мәләр һәрвакыт чисталык, пөх­тәлек бе­лән җәлеп итеп тора. Шул ук вакытта сабыйларга игътибар күр­сә­теп, аларны яхшы гадәт, әдәп­кә өйрәтүче дә ул Зинфира Әҗ­мө­хәмәт кызы. Көн буе нә­ни­ләргә уңайлыклар тудырган апалары алар белән уйнарга да вакыт таба, ата-аналар белән уртак тел табып, алар белән киңәшләшеп эшли. Алар да биредә үткән мәдәни чараларда катнаша, кирәк икән, төр­ле эшләр башкарырга да тартынмыйлар. Яңа ел алдыннан бигрәк тә җанланып китә балалар бакчасы: кардан фигуралар ясау, бүлмәләрне би­зәү бе­лән көннәрнең узганы да си­зел­ми кала. Мәкалә героем хез­мәт­тәшләре арасында да хөр­мәт­кә лаек. Коллективта үзара яр­дәмләшү, сабыйларга булган ярату, җаваплылык хисе бер­ләш­терә аларны.

Берәүдән, бәхет нәрсә ул, дип сораганнар. Бәхет – иртән ашкынып эшкә бару һәм сагынып өйгә кайту, дип җаваплаган ул. Зинфира Шәйхуллина да шулай хезмәттә дә, гаиләдә дә бәхетле: ашкынып эшенә бара, сагынып гаиләсенә кайта.

Фәрзәнә Исмәгыйлева.