Сәламәтлек артыннан – тоз мәгарәсенә

Галокамера – бар җире тоз белән капланган бүлмә, анда тулысынча җир асты тоз пещерасы микроклиматы барлыкка килә. Ул оганизмга сәламәтлә­нү һәм профилактика эффекты бирә. Талгын музыка һәм тиешле яктылык астында организм тулысынча
ял итә.
Тоз бүлмәсендә булу – төрле яшьтәге кешеләр өчен файдалы һәм рәхәт процедура. Балаларга – иммунитет ныгыту, ОРВИг­а карата профилактика һәм дә­ва­ла­ну, аллергияне, сулыш органнары һәм дерматологик авыруларны дәвалау чаралары булып тора.
Өлкән яшьтәге ке­ше­ләргә йө­рәк-кан тамырлары, нерв сис­темасы авыруларын дәва­ларга булышлык итә. Шулай ук психологик киеренкелеккә, эндокрин системасына уңай тәэсир итә. Тә­мәке тартканнарга, зарарлы эш урыннарында хезмәт ит­кән­нәр­гә галокамера аеруча файдалы.
Тоз бүлмәсендә аллергеннардан һәм бактерияләрдән азат булган стериль һава. Гало­камераның файда биргән төп компоненты – коры аэрозоль, ягъни һавада таралган вак кына тоз кисәкчәләре.
Әмма әлеге процедура ярамаган очракларны да исәпкә алырга кирәк. Аларга чирнең кискен чоры, шикәр һәм йөрәк авыруларының авыр ста­дия­лә­ре, психик тайпылышлар, онкология, кан әйләнеше системасы авырулары, эренле, канлы яралар, язвалар керә. Алкоголизм һәм наркомания белән интек­кәннәргә дә киңәш ителми. Һәр очракта да башта табиб белән киңәшләшеп алу дөрес булыр.
Бу үзенчәлекле бүлмәнең хуҗабикәсе – Лариса Үлмәсова. Үз эшен ачкан ханым ни өчен бик күпләр кебек кибет булдыруга тукталмаган?
– Улыбызның тын юллары авырулары белән даими чир­лә­ве моңа этәргеч бирде. Икен­че­дән, кибетләр күп, халык хә­зер интернет аша да кирәк-яракларын сатып ала. Баштарак, әл­бәттә, шикләндерде. Әм­ма кешләргә сәламәт булырга ярдәм итү безне бәхетле итә, – ди Лариса Мөдәрис кызы.
«Русоль» тоз пещерасы про­це­дураларының хаклары кыйм­мәт түгел. Абонементлар каралган, алар тагын да отышлырак. Җиде яшькәчә балаларга керү бушлай.
Адресы: Югары Тәтешле, Ведерников урамы, 1 («Фаворит» сәүдә үзәге).
Эшләү вакыты: 10.00дан 20.22 сәгатькә кадәр.
Белешмә һәм алдан язылу өчен телефон: 8-927-086-77-24.
Әлфия СӘЛИМГӘРӘЕВА.