Менә кызык

Кем көчлерәк?

Америка галимнәре үткәргән тикшеренүләр күрсәткәнчә, 20дән 29 яшькә кадәрге ир-атлар аң, рухи үсешләре дәрәҗәсе буенча өлкән сыйныфта укучы кызлардан берни белән дә аерылмыйлар икән. Социолог­лар фи­ке­ренчә, 14-19 яшьлек егетләр бары тик мода, музыка, кино дөнья­сындагы соңгы яңалыклар белән генә кызыксына. Социологик сораштыруда 1500 кеше катнашкан һәм аларны шартлы рәвештә ике төркемгә бүл­гән­нәр: 20 яшькә кадәрге һәм 20 яшьтән соңгы.

Яшүсмерләр дә, 30га җитеп килүче ир-атлар да сәла­мәт­лек­ләренә бик җиңел карыйлар, киләчәкләре турында кайгыртмыйлар. Ә эштә күп­ме­дер уңышка ирешү белән бергә гаи­ләләрен дә тиешле дәрәҗәдә тәэмин итә алучылар 30га җитеп килүчеләр арасында артык күп түгел икән. Галимнәр ир-егетләрне нәкъ 30дан узгач кына киләчәкләре һәм гаилә турында җитди уйлана башлыйлар дип саный. Хатын-кызлар исә иртә өлгерә һәм 20 яшьлек кыз бала киләчәккә планнарын, аларны тормышка ашыру ысулларын төгәл белә. Галимнәр: «Гүзәл затлар бу тик­шерү нә­тиҗәләреннән ка­нә­гать калыр, чөнки хатын-кызның көч­сез җенес вәкиле түгеллеген расладык», – дип белдергән.

Хатын-кызга ошар өчен нишләргә:

• комплиментлар әйт;

• хөрмәт ит;

• назла;

• кочакла;

• сакла;

• аңа акчаңны туздыр;

• ул теләгән әйберне сатып ал.

Ир-атка ошар өчен нишләргә:

• назлы бул һәм ашарга әзерлә.