Тагын чүп турында...

– Каты коммуналь калдык­лар өчен түләү ничек башкарыла?

– Түләү властьның төбәк органнары тарафыннан расланган тариф буенча йортта яисә фатирда яшәүче һәр кешегә исәп­лә­нә. Чүп даими рәвештә аена бер тапкырдан ешрак чыгарылган торак пунктларында яшәүче һәр­кем­гә моның өчен 70 сум тү­ләү каралган. Әгәр чүп аена бер тапкыр гына чыгарыла икән, бер кешедән 35 сум түләнә. РФ Торак Кодексына ярашлы, гражданнар торак йортларга һәм коммуналь хезмәтләргә түләүне үз вакытында һәм тулысынча кер­тер­гә тиеш. Бу каты коммуналь хез­мәтләр өчен түләүгә дә кагыла.

– Гражданин үзе әйтүенчә, аның үзе яшәгән йортыннан тыш милек хокукында янә бер торак йорты бар һәм аңа кеше кертелмәгән, ул файдаланылмый. Милекче икенче адрес буенча да түләргә тиешме?

– Әйе, Торак Кодексына һәм коммуналь түләүләр ка­гый­дә­лә­ренә ярашлы, берничә объект милекчесе коммуналь тү­ләү­ләрне яшәгән урыны гына түгел, ә барлык адреслар буенча да түләргә тиеш.

– Милекчеләр, йортта яшәү­челәр саны турындагы мәгъ­лү­мат кайдан алынды? Кви­тан­ция­дә теркәлгән кешеләр саны дө­рес күрсәтелмәгән очракта нәр­сә эшләргә?

– Федераль законнарга ярашлы, коммуналь хезмәтләр­дән фай­да­ланучылар турындагы мәгъ­лү­матны төбәк операторлары кү­чемсез, юридик шәхес­ләр һәм шә­хси эшкуарлар милке ре­естрыннан, яисә төрле ачык чыганаклардан, шул исәптән то­рак-коммуналь хуҗалыгының дәү­ләт мәгъ­лүмат системасыннан алыр­га мөмкиннәр. Төбәк операторына ка­гылмаган сәбәпләр буенча тү­ләү квитанциялә­рен­дә тө­гәл­сез­лек­ләр булуы мөм­кин. Мә­сә­лән, торак йортында кеше саны дө­рес күрсәтелмә­гән

яи­сә исем-фа­милияләр дөрес тү­гел.

Мондый очракта мәгълүмат базасын дөрес­ләү һәм түләү хакын яңадан исәпләү өчен паспорт күчермәсен, прописка адресын, гаилә составы яисә вакытлыча теркәлү турындагы белешмәне (аны идарәче компания яисә авыл Советы бирә) төбәк операторына юлларга кирәк.

Аны үзегезгә уңайлы ысул белән башкара аласыз:

- квитанциядә күрсәтелгән [email protected] электрон поч­тасына;

- «Русия Почтасы» аша 452308, Башкортстан Республикасы, Дүртөйле районы, Иванай авылы, Промзона урамы, 18/1 адресы буенча төбәк операторы җи­тәкчесе Е. Н. Юдинцев исе­ме­нә җибәрә аласыз;

- ЭСКБ офисына мөрәҗәгать итә аласыз.

– Бар җыелган чүпне яндырам яисә бакчага күмәм. Шулай булгач, түләмәсәм ярыймы?

– «Халыкның санитар-эпидемиологик иминлеге турында»гы Федераль законга ярашлы, җи­теш­терү һәм файдалану калдыкларын сәламәтлек һәм тирә-юнь өчен зыянсыз булган юллар белән генә утильләштерү рөхсәт ителә. Үз белдегең белән чүпне яндыру, кушылмаган урында күмү моңа керми. Чүп янганда һа­вага төрле зыянлы матдәләр оча. Каты көнкүреш калдыкларын үзаллы чыгару ярамый. Мондый хокукка бары тик төбәк операторы белән килешү төзегән һәм калдыклар белән эш итүгә ли­цен­зияләре булган транспорт компанияләре генә ия.

Эльмира Гәрәйшина әзерләде.