Бер авария биш кешенең гомерен өзгән

Башлангыч мәгълүматлар буенча, һәлакәттә биш кеше — икесе "Renault"дан һәм өчесе "Skoda"дан - һәлак булган. Машинада балалар булганмы - ачыклана. 

"Renault Sandero" автомобиле бәрелешкәннән соң кюветка килеп төшкән һәм янып киткән. Янгынны урынга килгән янгын сүндерүчеләр сүндергән.   Вакыйга урынында ЮХИДИ җитәкчелеге, республика буенча Эчке эшләр министрлыгы Баш тикшерү идарәсенең юл-транспорт вакыйгаларын тикшерү буенча махсус бүлек хезмәткәрләре һәм күчмә Эксперт-криминалистика лабораториясе эшли.