Котлыйбыз!

Югары Тәтешледә яшәүче кадерле кызым, яраткан тормыш иптәшем, әниебез, туганыбыз ШӘЙНУРОВА Айгөл Фидәис кызын алтын юбилее белән ихлас котлыйбыз. Сиңа сәламәтлек, күңел тынычлыгы, шатлык-куанычлардан торган бәхетле озын гомер телибез. Якыннарыңның куанычын, игелеген, кадер-хөрмәтен тоеп, бер-беребезгә кирәк, терәк булып, мул тормышта сөенеп яшәргә насыйп булсын. Син безнең иң якын, кадерле кешебез. Сабыр холкың, ачык йөзең, уңганлыгың, күңел җылың белән барыбызны да сокландырасың. Барсы өчен дә зур рәхмәт сиңа, газиз кешебез!
Җир йөзенең бөтен матурлыгын
Килә сиңа бүләк итәсе.
Дөньядагы матур сүзләрнең дә
Иң җылысын сиңа әйтәсе.
Син бит безнең һәммәбезгә
Якты кояш, нурлы ай кебек.
Бәхет, шатлык, ныклы сәламәтлек
Юлдаш булсын сиңа гомерлек.
Әниең Тәһлимә, тормыш иптәшең Айдар, кызың Эльвира, улың Камил һәм барлык туганнарың.